Jeremia 32 : 27 Indro, Izaho no Jehovah, Andriamanitry ny nofo rehetra; moa misy zava-mahagaga izay tsy haiko va?
FANASINA NyAVO &  FANEVANJANAHARY

TONOKALO // POEME

Indro tononkalo nofolesiko mangina
Tamin-tadina Fanahy nosinilaky ny ratra
Tam-bohitry ny nofy itselaram-binavina
Nefa nofinitsok’itsy ferim-batravatra !

Indro tononkalo notanehiko mangina
Tam-patan’ito vatana kila hotohoto
Ifandrotehan’irony vanditry ny Dina
Nantenain-kanito eritreri-misafoto !

Indro tononkalo noloarako tam-bata
Antaravelon’izaroa zava-nisy tetoana
Ahanjahanjan’ito bobongolon-tsata
Efa ringidringitra atsy an-dozo-pisentoana !

Indro tononkalo norantoviko naharitra
Tam-para hitsokitsoky ny felan-kirifiry
Mandazo fofon’aina hatsatra sy maritra
Tan-konahonan’ito Fianana mariry… 

 

Inspired by freedomgino ! New york city                             cOpYrIgHt 2004

  • 9 votes. Moyenne 3.11 sur 5.
×